Մոուրինյոյի անպարտելի շարքը Ա Սերիայի տնային խաղերում ավարտվեց
09:51 1 նոյեմբերի, 2021Ավարտվեց «Ռոմայի» պորտուգալացի գլխավոր մարզիչ Ժոզե Մոուրինյոյի տնային հանդիպումների անպարտելի շարքը Իտալիայի առաջնությունում։
Ա Սերիայի 11-րդ տուրում «Ռոման» Հռոմի «Օլիմպիական» ստադիոնում 1։2 հաշվով պարտվել է «Միլանին»։ Մոուրինյոն մինչեւ այս հանդիպումը 43 խաղ անընդմեջ չէր պարտվել տնային խաղերում՝ հաշվի առնելով նաեւ 38 հանդիպումը Միլանի «Ինտերի» հետ։ Դա ամենատեւական շարքն էր Ա Սերիայում 1994-1995 թվականների մրցաշրջանից հետո։
Մինչեւ «Միլանի» հետ հանդիպումը «Ռոման» Մոուրինյոյի ղեկավարությամբ տանը տարել էր չորս հաղթանակ, մեկ խաղ ավարտել ոչ ոքի։
«Ռոման» 19 միավորով 5-րդ տեղում է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.