Պրոֆեսիոնալ բռնցքամարտի թեթեւագույն քաշային կարգում WBC, WBA, IBF և IBO վարկածներով աշխարհի նախկին բացարձակ չեմպիոն Վիկ Դարչինյանն այցելել է Երեւանի «Ուրարտու» ֆուտբոլային ակումբ։
Անվանի մարզիկը շրջել է մարզաբազայի տարածքում, հանդիպել ակումբային ակադեմիայի սաների հետ, պատմել կարիերայում ունեցած հաջողությունների ու նախասիրությունների մասին և պատասխանել պատանիների հարցերին, հաղորդում է ակումբի մամուլի ծառայությունը՝ ներկայացնելով լուսանկարներ հանդիպումից։
Վիկ Դարչինյանն այնուհետև ներկա է գտնվել «Ուրարտուի» գլխավոր թիմի մարզմանը, իսկ վերջում թիմի մարզիչ Ռոբերտ Արզումանյանը նրան է նվիրել «Ուրարտուի» անվանական մարզաշապիկ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։