Սերբիայի մայրաքաղաք Բելգրադրում ընթացող բռնցքամարտի աշխարհի առաջնության չորրորդ մրցումային օրը Հայաստանն ունի երեք ներկայացուցիչ:
+92 կգ քաշայինների 1/32 երզափակիչում ռինգ դուրս կգա Հայաստանի ներկայացուցիչ Դավիթ Չալոյանը: Մրցակիցը Ուկրաինան ներկայացնող Ցոնթե Ռովագան է: Մենամարտը տեղի կունենա Երեւանի ժամանակով 17:00-ին A ռինգում:
Երեկոյան մրցահերթում աշխարհի առաջնությունում երկրորդ մենամարտը կանցկացնի 67 կգ քաշային Գուրգեն Մադոյանը: 1/16 եզրափակիչում Հայաստանի ներկայացուցիչի մրցակիցը կլինի լեհ Դամիան Դուրկաչը:
Հիշեցնենք, որ Մադոյանը պայքարը սկսել էր 1/32 եզրափակիչից, որտեղ 5:0 հաշվով վստահ հաղթանակ էր տարել Սլովենիայի ներկայացուցիչ Ալջազի Սիրցելիի նկատմամբ:
Հայաստանի երրորդ ներկայացուցիչ Արթուր Բազեյանը (57կգ) սպասում է իր մրցակից չինական Տայպեյի ներկայացուցիչ Պո-Յի Չենին: Նախնական տեղեկություններով, Պո-Յի Չենը չի ներկայանալու մենամարտին: Հայաստանի հավաքականի գլխավոր մարզիչ Կարեն Աղամալյանի փոխանցմամբ, չնայած դեռ պաշտոնապես հայտարարված չէ, բայց ըստ նրա տեղեկությունների, Բազեյանի երկրորդ մրցակիցը առոջղական խնդիրների պատճառով չի ներկայանալու մենամարտին:
Հիշեցնենք, որ 1/32 երզափակիչում Բազեյանի մրցակից Ջան Ռիվերա Պիզառոն եւս չէր ներկայացել մենամարտին եւ հաղթանակը շնորհվել էր Հայաստանի ներկայացուցիչին:
Եթե Բազեյանի երկրորդ մրցակիցն էլ չներկայանա մենամարտին, Հայաստանի ներկայացուցիչն առանց պայքարի դուրս կգա 1/8-րդ եզրափակիչ:
Լուսինե Շահբազյան
Ֆոտո՝ ՀԲՖ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։