Հարավամերիկյան բոլոր հավաքականները հանդես են եկել համատեղ հայտարարությամբ՝ դեմ արտահայտվելով Ֆուտբոլի միջազգային ֆեդերացիայի նախաձեռնությանը աշխարհի առաջնությունը երկու տարին մեկ անցկացնելու վերաբերյալ։
Հարավային Ամերիկայի ֆուտբոլային կոնֆեդերացիան (CONMEBOL) հայտարարությունում նշել է․
«CONMEBOL-ի Խորհուրդը առանձին նիստում եւս մեկ անգամ վերլուծել է աշխարհի առաջնությունը ամեն երկու տարին մեկ անցկացնելու առաջարկը եւ եզրակացրել․
Ոչ մի պատճառ, առավելություններ կամ արդարացումներ չկան ՖԻՖԱ-ի նախաձեռնած փոփոխություններին։ CONMEBOL-ի անդամ 10 երկրները հաստատում են, որ չեն մասնակցի աշխարհի առաջնությանը, եթե այն անցկացվի ամեն երկու տարին։
Քննարկվող նախագիծը հակադրվում է համաշխարհային ֆուտբոլային ավանդույթին՝ անտեսելով մոլորակի կարեւորագույն մարզական իրադարձություններից մեկի պատմությունը։
CONMEBOL-ը աջակցում է գործող ձեւաչափը որակավորման համակարգերով եւ պայմաններով։ Մենք համարում ենք, որ գործող մոդելը հաջողված է, հիմնված է մարզական նվաճումների վրա եւ արժանին է տալիս թիմերին՝ ջանքերի, տաղանդի ու հետեւողական աշխատանքի համար»,- նշվում է հայտարարությունում։
Ավելի վաղ, նմանատիպ հայտարարությամբ հանդես էին եկել Եվրոպայի եւ Հյուսիսային Ամերիկայի շատ հավաքականներ։ ՖԻՖԱ-ի նախաձեռնությանը կողմ են արաբական երկրները։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։