Կարեն Տոնականյանի մրցակիցը վարակվել է կորոնավիրուսով, այդ պատճառով այսօր ռինգ դուրս չեկավ: Կարեն Տոնականյանը 1/16 երզափակիչում է:
Այս մասին NEWS.am Sport-ի թղթակցի հետ զրույցում Սերբիայից հայտնեց բռնցքամարտի Հայաստանի հավաքականի գլխավոր մարզիչ Կարեն Աղամալյանը:
Բելգրադում ընթացող բռնցքամարտի աշխարհի առաջնությանը երրորդ մրցումային օրը Հայաստանի թիմից ռինգ պետք է դուրս նաեւ 60 կգ քաշային Եվրոպական խաղերի բրոնզե մեդալակիր Կարեն Տոնականյանը, որը 1/32 եզրափակիչում մրցելու էր Հնդկաստանի ներկայացուցիչ Սինգ Վարինդերի հետ:
Մենամարտից առաջ Բելգրադի մարզադահլիճում հայտարարվեց, որ Տոնականյան - Վարինդեր մենամարտը տեղի չի ունենալու: Հաղթանակը շնորհվում է Կարեն Տոնականյանին:
«Տոնականյանի մրցակիցը վարակվել է կորոնավիրուսով, եւ նրան թույլ չտվեցին դուրս գալ ռինգ: Հաղթանակը շնորհվեց Կարեն Տոնականյանին: Մեր բռնցքամարտիկը հաջորդ մենամարտը կանցկացնի 1/16 եզրափակիչում, հոկտեմբերի 29-ին»,- հայտնեց Կարեն Աղամալյանը:
1/16 եզրափակիչում Եվրոպական խաղերի բրոնզե մեդալակրի մրցակիցը կլինի Մալիի ներկայացուցիչ Աբդուլ-Քարիմ Բաթիլը:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։