Մոուրինյոն՝ հեռացումից հետո. Երբ դու չունես տոմս եւ հուսահատաբար ցանկանում ես դիտել գերազանց հանդիպում

«Ռոմայի» պորտուգալացի գլխավոր մարզիչ Ժոզե Մոուրինյոն «Նապոլիի» դեմ Իտալիայի առաջնության 9-րդ տուրի հանդիպման ժամանակ կարմիր քարտ ստանալուց հետո էլ փորձել է հրահանգներ տալ թիմին։

58-ամյա մասնագետը Ինստագրամում հրապարակել է այդ դրվագի տեսանյութը՝ մեկնաբանությամբ.

«Երբ դու չունես տոմս եւ  հուսահատաբար ցանկանում ես դիտել գերազանց ֆուտբոլային հանդիպում»։

Հիշեցնենք, որ «Ռոմա» - «Նապոլի» խաղն ավարտվել էր 0։0 հաշվով, մրցավարի որոշումներին եւ խաղի ընթացքին չափից դուրս հուզական վերաբերմունքի համար Մոուրինյոն 82-րդ րոպեին ստացել էր երկրորդ դեղին քարտը եւ հեռացվել, իսկ «Նապոլիի» իտալացի գլխավոր մարզիչ Լուչանո Սպալետին խաղի ավարտից հետո էր կարմիր քարտ ստացել հանդիպման մրցավար Դավիդե Մասային ուղղված սարկաստիկ ծափահարության համար։