«Մանչեսթեր Յունայթեդն» առաջիկա ժամերին որոշում կընդունի Սուլշերի վերաբերյալ

15:22   25 հոկտեմբերի, 2021

Անգլիական «Մանչեսթեր Յունայթեդի» ղեկավարությունը քննարկում է թիմի գլխավոր մարզիչ Ուլե-Գունար Սուլշերի հնարավոր պաշտոնանկության հարցը։ Հեռացման-չհեռացման վերաբերյալ որոշում կլինի առաջիկա ժամերին կամ օրերին, հաղորդում է twitter.com/FabrizioRomano-ն։

Մանչեսթերյան ակումբում դիտարկում են Անտոնիո Կոնտեի թեկնածությունը։ Իտալացի մասնագետը չեմպիոնական տիտղոսներ է նվաճել Լոնդոնի «Չելսիի», Թուրինի «Յուվենտուսի» եւ Միլանի «Ինտերի» հետ։ Կոնտեն հետաքրքրված է «Մանչեսթեր Յունայթեդը» գլխավորելու հարցում։

Հիշեցնենք, որ Անգլիայի առաջնության 9-րդ տուրում «Մանչեսթեր Յունայթեդը» «Օլդ Տրաֆորդում» 0։5 հաշվով պարտվել է գերմանացի Յուրգեն Կլոպի գլխավորած «Լիվերպուլին»։

Անգլիայի անցած առաջնությունում «Մանչեսթեր Յունայթեդը» նվաճել է փոխչեմպիոնի կոչումը։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։