Բռնցքամարտի Հայաստանի հավաքականը արդեն երկու մարզում է անցկացրել Սերբիայի մայրաքաղաք Բելգրադում: Կարեն Աղամալյանի գլխավորությամբ թիմը հանգրվանել է «Կրովեն Պլազա» հյուրանոցում և մարզվում է հյուրանոցից ոչ հեռու գտնվեղ «Ստարկ Արենայի» մարզումային դահլիճում: Նույն մարզապալատում էլ տեղի կունենա աշխարհի առաջնությունը:
«Մարզումները ցույց են տալիս, որ տղաների մոտ ամեն ինչ գնում է ըստ գրաֆիկի: Այս պահի դրությամբ նրանք այնպիսի մարզավիճակում են, ինչպես պետք է լինեն հենց այս ժամանակահատվածում: Կա արագություն, կա ախորժակ և որ ամենակարևորն է կա ցանկություն կռվելու համար:
Նրանք շատ եռանդով են աշխատում, ես գոհ եմ նրանցից: Յուրաքանչյուրը պատրաստ է պայքարել և լավ մենամարտ անցկացնել»,- հավաքականի գլխավոր մարզիչ Կարեն Աղամալյանի խոսքը մեջբերում է ՀԲՖ-ի ֆեյսբուքյան էջը։
Աշխարհի առաջնության վիճակահանությունը տեղի կունենա հոկտեմբերի 24-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։