«Մանչեսթեր Սիթին» խնդիրներ չունեցավ, Ֆոդենը 2 գոլ խփեց 3 րոպեում (տեսանյութ)

Անգլիայի առաջնության 9-րդ տուրում չեմպիոն «Մանչեսթեր Սիթին» հյուրընկալվեց «Բրայթոնին»։ Կատալոնացի Խոսեպ Գվարդիոլայի գլխավորած թիմն առավելության հասավ 4։1 հաշվով։

Խաղի հաշիվը 13-րդ րոպեին բացեց Գերմանիան ներկայացնող կիսապաշտպան Իլկայ Գյունդոգանը։ Այնուհետեւ 3 րոպեում դուբլի հեղինակ դարձավ անգլիացի կիսապաշտպան Ֆիլ Ֆոդենը։

Վերջնամասում դաշտի տերերից հաշվի տարբերությունը կրճատեց արգենտինացի կիսապաշտպան Ալեքսիս Մաք Ալիսթերը, սակայն ավելացված 5–րդ րոպեին ալժիրցի հարձակվող Ռիյադ Մահրեզը խփեց մանչեսթերյան թիմի նաեւ չորրորդ գոլը։

«Մանչեսթեր Սիթին» 20 միավորով բարձրացավ երկրորդ տեղ եւ 2 միավոր է հետ առաջատար «Չելսիից»։ 1 հանդիպում քիչ անցկացրած «Լիվերպուլը» 18 միավորով երրորդն է։ «Բրայթոնը» չորրորդն է՝ 15 միավոր։

Անգլիայի առաջնություն, 9-րդ տուր

«Բրայթոն» - «Մանչեսթեր Սիթի»՝ 1։4 (տեսանյութ)

Ալեքսիս Մաք Ալիսթեր, 80, 11մ - Իլկայ Գյունդոգան, 13, Ֆիլ Ֆոդեն, 28, 31, Ռիյադ Մահրեզ, 90+5