Հնդիկ Աբհիմանյու Պուրանիկը՝ Yerevan Open-ի հաղթող
22:32 22 հոկտեմբերի, 2021Երեւանի Կարեն Դեմիրճյանի անվան մազահամերգային համալիրում ավարտվեց շախմատի Yerevan Open միջազգային երրորդ մրցաշարը:
Հաղթողի կոչումը նվաճեց հնդիկ Պուրանիկ Աբհիմանյու Պուրանիկը, որը 9 հնարավորից վաստակեց 7,5 միավոր։ Ուկրաինացի Վիտալի Սիվուկն ու Հայաստանի ներկայացուցիչ Արման Միքայելյանը նույնպես վաստակեցին 7,5-ական միավոր եւ լրացուցիչ ցուցանիշով գրավեցին հաջորդ երկու տեղերը։
Մրցաշարին մասնակցեցին միջազգային կոչում ունեցող 82 շախմատիստներ, որոնցից 22-ը միջազգային գրոսմայստեր են, 25-ը՝ միջազգային վարպետ։ Գլխավոր մրցավարը Աշոտ Վարդապետյանն էր: Մրցաշարի մրցանակային հիմնադրամը 11 միլիոն դրամ էր։ A խմբի հաղթողը ստացավ 2 միլիոն դրամ, երկրոդ տեղը զբաղեցրածը՝ 1 միլիոն 400 հազար դրամ, երրորդ տեղը՝ 1 միլիոն դրամ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։