Ֆրանսիական ՊՍԺ-ի եւ Եվրոպայի չեմպիոն Իտալիայի հավաքականի դարպասապահ Ջանլուիջի Դոնարուման դժգոհ է իր կարգավիճակից փարիզյան ակումբում եւ ցանկանում է փոխել թիմը, հաղորդում է todofichajes.com-ը։
Հնարավոր է՝ արդեն հունվարին Ջանլուիջի Դոնարուման վարձակալությամբ տեղափոխվի այլ թիմ։ Նրա ծառայություններով հետաքրքրված է Թուրինի «Յուվենտուսը»։
Եվրո-2020-ի լավագույն խաղացողը տանուլ է տալիս մրցակցությունը ՊՍԺ-ի կոստառիկացի դարպասապահ Կեյլոր Նավասին։
Ֆրանսիական մամուլը գրում է, որ Նավասի դիրքերն ամուր են թիմի հարձակվողներ Նեյմարի եւ Լիոնել Մեսիի հետ ընկերական հարաբերությունների շնորհիվ։
Դոնարուման Եվրո-2020-ից հետո հինգ տարվա պայմանագիր է կնքել ՊՍԺ-ի հետ։ Նրա պայմանագիրը «Միլանի» հետ ավարտվել էր հունիսին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։