Էդեն Ազարը կկարողանա առաջին անգամ մասնակցել «Էլ Կլասիկոյին»

09:47   22 հոկտեմբերի, 2021

Մադրիդի «Ռեալի» եւ Բելգիայի հավաքականի կիսապաշտպան Էդեն Ազարը կկարողանա մասնակցել «Բարսելոնայի» դեմ Իսպանիայի առաջնության 10-րդ տուրի հանդիպմանը։

Ազարը մկանային գերհոգնածության պատճառով բաց թողեց Դոնեցկի «Շախտյորի» դեմ Չեմպիոնների լիգայի երրորդ տուրի հանդիպումը, սակայն հասցրել է վերականգնվել եւ Կառլո Անչելոտիի գլխավորած թիմի հետ կմեկնի Բարսելոնա, հաղորդում է Marca-ն։ «Ռեալը» «Շախտյորին» հաղթել էր 5։0 հաշվով։

Էդեն Ազարի համար առաջիկա «Էլ Կլասիկոն» կլինի առաջինը կարիերայում։ Երրորդ մրցաշրջանը «Ռեալում» անցկացնող ֆուտբոլիստը նախորդ չորս հանդիպումները «Բարսելոնայի» հետ բաց է թողել վնասվածքների հետեւանքով։

«Բարսելոնա» - «Ռեալ» հանդիպումը տեղի կունենա հոկտեմբերի 24-ին եւ կմեկնարկի Երեւանի ժամանակով 18։15-ին։

9 տուրից հետո «Ռեալը» 17 միավորով երկրորդն է, «Բարսելոնան» ունի 15 միավոր եւ 7-րդն է։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։