ԵԱ. Էլիդա Քոչարյանը կպայքարի ոսկե մեդալի համար

20:42   21 հոկտեմբերի, 2021

Չեռնոգորիայի Բուդվա քաղաքում ընթացող բռնցքամարտի Եվրոպայի երիտասարդների առաջնությունում Հայաստանի ներկայացուցիչ Էլիդա Քոչարյանը կպայքարի ոսկե մեդալի համար։

60 կգ քաշային կարգի կիսաեզրափակիչում Էլիդա Քոչարյանը մեկ րոպեում պայքարից դուրս թողեց մոդլովացի Կրիստինա Չիպեռին, հաղորդում է ՀԲՖ–ի ֆեյսբուքյան էջը։ Երկրորդ նոկդաունից հետո մոլդովացի մարզուհին չի կարողացել շարունակել պայքարը։

Հայ մարզուհին նոկաուտով հաղթանակ էր տարել նաև 1/4 եզրափակիչում` առավելության հասնելով Ուկրաինան ներկայացնող Կրիստինա Յուսչուկի նկատմամբ։

Հայ մարզիկներից կիսաեզրափակիչ են դուրս եկել նաեւ 57 կգ քաշային Մանվել Պետրոսյանը, 86 կգ քաշային Հենրիկ Ճղրիկյանը, 51 կգ քաշային Հենրիկ Սահակյանը, 60 կգ քաշային Էրիկ Իսրայելյանը։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։