Անսու Ֆատի. Ունեի առաջարկներ, սակայն իմ երազանքը միշտ եղել է «Բարսելոնայի» հետ աճելն ու տիտղոսներ նվաճելը

17:30   21 հոկտեմբերի, 2021

«Բարսելոնայի» եւ Իսպանիայի հավաքականի 18-ամյա հարձակվող Անսու Ֆատին մեկնաբանել է կատալոնական ակումբի հետ նոր պայմանագիր կնքելը։

«Ես ունեի առաջարկներ արտերկրից, սակայն իմ երազանքը միշտ եղել է «Բարսելոնայի» հետ աճելն ու տիտղոսներ նվաճելը։ Ակումբում բոլորս կաշխատենք այնպես, որ մի քանի տարի հետո լինենք շատ ավելի կատարելագործված։

Կարծում եմ՝ դա յուրաքանչյուրի աշխատանքն է՝ մարզիչներ, աշխատակիցներ, նախագահ, խաղացողներ։ Եթե աշխատենք ամեն օր, իրավիճակը կարող է լինել շատ ավելի լավը։

Ակումբում առաջին օրվանից ցանկացել եմ երկարաձգել պայմանագիրս։ Ուրախ եմ, որ ակումբը վստահում է ինձ»,- Անսու Ֆատիի խոսքը մեջբերում է Sport.es-ը։

Անսու Ֆատիի նոր պայմանագիրը նախատեսված է մինչեւ 2027թ. հունիս։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։