ԵԱ. Հայաստանի 5 բռնցքամարտիկներ կիսաեզրափակիչում են (ֆոտո)

11:08   21 հոկտեմբերի, 2021

Չեռնոգորիայի Բուդվա քաղաքում անցկացվող բռնցքամարտի Եվրոպայի երիտասարդների առաջնությունում Հայաստանն արդեն ապահովել է 5 մեդալ։

Հայ մարզիկներից առնվազն բրոնզե մեդալ ապահովեցին նաև 57 կգ քաշային Մանվել Պետրոսյանը և 86 կգ քաշային Հենրիկ Ճղրիկյանը, հաղորդում է ՀԲՖ-ի ֆեյսբուքյան էջը։

1/4 եզրափակիչում Մանվել Պետրոսյանը հաղթել է Չեռնոգորիայի ներկայացուցիչին, իսկ Հենրիկ Ճղրիկյանը՝ իտալացի մրցակցին։

Ավելի վաղ կիսաեզրափակիչ էին դուրս եկել նաեւ 51 կգ քաշային Հենրիկ Սահակյանը, 60 կգ քաշային Էրիկ Իսրայելյանը եւ 60 կգ քաշային Էլիդա Քոչարյանը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։