«Սեւան» ֆուտբոլային ակումբը հանդես է եկել հայտարարությամբ․
«Հարգելի ֆուտբոլասերներ, տեղյակ եք, որ հոկտեմբերի 15-ին, VBET Հայաստանի Պրեմիերա լիգայի 9-րդ տուրի «Նոա» - «Սեւան» հանդիպման ավարտից հետո, հանդերձարան տանող ճանապարհին տհաճ միջադեպ է տեղի ունեցել։ «Սեւան» ֆուտբոլային ակումբը հայտարարում է, որ նման անախորժ միջադեպ իրոք տեղի է ունեցել։
Անկախ նրանից, հանդիպման մրցավարը ճիշտ էր իր որոշումներում, թե ոչ, նման միջադեպերը ցանկալի երևույթ չեն մեր ֆուտբոլում:
Այսուհետեւ մեր ակումբը կանի հնարավոր ամեն բան նմանատիպ դեպքերը բացառելու համար»,- նշվում է «Սեւանի» հայտարարությունում։
Ավելի վաղը այս միջադեպի վերաբերյալ Հայաստանի ֆուտբոլի ֆեդերացիան էր հանդես եկել պաշտոնական հայտարարությամբ։
«VBET Հայաստանի Պրեմիեր Լիգայի 9-րդ մրցափուլի «Նոա» - «Սևան» հանդիպումից հետո «Սևան» ֆուտբոլային ակումբի ղեկավարները և անձնակազմի անդամները բռնություն են կիրառել հանդիպման ՀՖՖ պատվիրակի և մրցավարական անձնակազմի նկատմամբ:
ՀՖՖ-ն անմիջապես հետաքննություն է սկսել՝ միջադեպի մանրամասները պարզելու համար, հարուցվել է կարգապահական վարույթ: Միջադեպի մասին տեղյակ են պահվել նաև ոստիկանները:
Հայաստանի ֆուտբոլի ֆեդերացիան հետամուտ է լինելու, որ հանդիպման սպասարկող անձնակազմի նկատմամբ բռնություն կիրառողները պատժվեն օրենքի ողջ խստությամբ»,- նշվել էր հաղորդագրությունում:
«Սեւանը» «Նոային» պարտվել էր 1։2 հաշվով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։