ՈւԵՖԱ-ն պատժեց Անգլիայի ֆուտբոլային ասոցիացիային

ՈւԵՖԱ-ն պատժեց Անգլիայի ֆուտբոլային ասոցիացիային Եվրո-2020-ի Անգլիա - Իտալիա (1:1, 11մ՝  3:2) եզրափակիչի ժամանակ անգլիացի ֆանատների զանգվածային անկարգությունների համար, հաղորդում է ՈւԵՖա-ի կայքը։

Առաջիկա երկու տնային հանդիպումներն Անգլիայի հավաքականը կանցկացնի առանց երկրպագուների։ Անգլիայի ֆուտբոլային ասոցիացիան տուգանվել է 100 հազար եվրոյով։

Հիշեցնենք, որ հուլիսի 11-ին Լոնդոնի «Ուեմբլի» ստադիոնում տեղի ունեցած եզրափակիչ հանդիպումից առաջ մի քանի հարյուր անգլիացի ֆանատներ առանց տոմսերի ներխուժել էին ստադիոն, բախումներ հրահրել անվտանգության աշխատակիցների հետ։ Հանդիպման ժամանակ անգլիացի ֆանատները հարձակվել եւ ծեծի էին ենթարկել հանդիսականների, տարբեր առարկաներ էին նետել խաղադաշտ։