Պիոլի. Իբրահիմովիչը դեռ չի կարող խաղալ մեկնարկային կազմում

19:18   18 հոկտեմբերի, 2021

Իտալական «Միլանի» գլխավոր մարզիչ Ստեֆանո Պիոլին պորտուգալական «Պորտուի» դեմ Չեմպիոնների լիգայի խմբային փուլի հանդիպումից առաջ խոսել է իր սպասելիքների մասին առաջիկա դիմակայությունից։

«Շատ լուրջ եւ կոմպակտ մրցակից է «Պորտուն», որն ունի արագ հարձակողական ֆուտբոլիստներ եւ լավ պատրաստված մարզիչ։ Այս խաղում բոլորը կունենան դժվարություններ։

Մեծագույն ակումբի կարգավիճակը վերադարձնելու համար մեզ պակասում է Չեմպիոնների լիգայի գավաթը։ Մենք ճիշտ ուղու վրա ենք, բայց դեռ շատ անելիք կա։

Զլատան Իբրահիմովիչը շարունակում է վերականգնվել եւ վերադառնալ լավագույն մարզավիճակին, սակայն նա դեռ չի կարող խաղալ մեկնարկային կազմում»,- իտալացի մասնագետի խոսքը մեջբերում է Football Italia-ն։

«Պորտու» - «Միլան» հանդիպումը տեղի կունենա հոկտեմբերի 19-ին Պորտուգալիայում եւ կմեկնարկի Երեւանի ժամանակով 23։00-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։