Վենգերը հավաքականների մարզիչների հետ կքննարկի ԱԱ-ն 2 տարին մեկ անցկացնելու գաղափարը
17:54 18 հոկտեմբերի, 2021ՖԻՖԱ-ի Ֆուտբոլի գլոբալ զարգացման բաժնի ղեկավար, Լոնդոնի «Արսենալի» նախկին գլխավոր մարզիչ Արսեն Վենգերը ազգային հավաքականների գլխավոր մարզիչների հետ կքննարկի ֆուտբոլի աշխարհի առաջնությունը երկու տարին մեկ անցկացնելու գաղափարը, հաղորդում է բրիտանական The Guardian-ը։
Այս շաբաթ ֆրանսիացի մասնագետը բոլոր ազգային հավաքականների գլխավոր մարզիչների համար կկազմակերպի օնլայն կոնֆերանս այդ եւ ֆուտբոլային օրացույցի բարեփոխման այլ թեմաներով։
ՖԻՖԱ-ի նախագահ Ջանի Ինֆանտինոն եւս կողմ էր արտահայտվել ԱԱ-ն 2 տարին մեկ անցկացնելուն։ ՖԻՖԱ-ում հույս ունեն փոփոխության մասին որոշումն ընդունել մինչեւ 2030 թվական։
2022-ի ԱԱ-ն անցկացվելու է Քաթարում, 2026-ինը՝ Կանադայում, ԱՄՆ-ում եւ Մեքսիկայում համատեղ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։