Ժոզե Մոուրինյո․ Պարտություն կրեց թիմը, որն արժանի էր հաղթանակի

09:34   18 հոկտեմբերի, 2021

«Ռոմայի» պորտուգալացի հարձակվող Ժոզե Մոուրինյոն մեկնաբանել է Թուրինում «Յուվենտուսից» կրած 0։1 հաշվով պարտությունը Իտալիայի առաջնության 8-րդ տուրի խաղում։

«Կարող եմ միայն ասել, որ այսօր տեսա մեծագույն «Ռոմա»։ Դա այն է, ինչ ես ասացի իմ խաղացողներին հանդերձարանում։ «Ռոման» հրաշալի էր բոլոր տեսանկյուններից։ Ես տեսա համարձակություն, վստահություն, հավատ։ Ակնհայտ է, որ պարտությունը միշտ կլինի պարտություն, բայց եթե դիտարկենք մեր նախագիծը, պետք է տեսնել թիմի աճը։ Այսօր պարտություն կրեց թիմը, որն արժանի էր հաղթանակի։ Սա ֆուտբոլ է։

Չեմ խոսի մրցավարի մասին, կթողնեմ փորձագետներին։ Երկրպագուների վիրավորանքները ստադիոնում հնարավոր են, բայց ստադիոնից դուրս ինձնից ինքնագիր ու լուսանկարվել են խնդրում։ Հաճելի է, որ երկրպագուներով իսկական ֆուտբոլը վերադարձել է տրիբունաներ»,- Մոուրինյոյի խոսքը մեջբերում է Goal.com-ը։

 «Ռոման» 15 միավորով չորրորդն է, «Յուվենտուսն» ունի 14 միավոր եւ 7-րդն է։ Հաջորդ տուրում «Ռոման» հոկտեմբերի 24-ին կընդունի «Նապոլիին»։

Իտալիայի առաջնություն, 8-րդ տուր

«Յուվենտուս» - «Ռոմա»՝ 1։0 (տեսանյութ)

Մոյզե Քին, 16

Չիրացրած 11մ՝  Ժորդան Վերետու («Ռոմա»), 44



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։