Իտալական «Միլանի» 40-ամյա շվեդ հարձակվող Զլատան Իբրահիմովիչը վնասվածքից ապաքինվելուց հետո վերադարձել է խաղադաշտ Իտալիայի առաջնության 8-րդ տուրում։ Իտալացի Ստեֆանո Պիոլիի գլխավորած թիմը 3։2 հաշվով կամային հաղթանակ էր տարել «Վերոնայի» նկատմամբ։
Հանդիպումից հետո Իբրահիմովիչը լուսանկար է հրապարակել Թվիթերում՝ գրառելով․ «Դուք քայլում եք, ես թռչում եմ»։
Սեպտեմբերի 12-ին վնասվածք ստանալուց հետո Իբրահիմովիչը հոկտեմբերի 16-ին անցկացրեց առաջին հանդիպումը՝ փոխարինման դուրս գալով 77-րդ րոպեին։
«Միլանը» 22 միավորով գլխավորում է մրցաշարային աղյուսակը։ Երկրորդ տեղում ընթացող «Նապոլին» 7 խաղից հետո ունի 21 միավոր։ 8-րդ տուրում «Նապոլին» հոկտեմբերի 17-ին կընդունի «Տորինոյին»։
You walk I fly pic.twitter.com/OSh0NOWmVF
— Zlatan Ibrahimović (@Ibra_official) October 17, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։