Հայաստանը ներկայացնող Թինա Կարապետյան - Սիմոն Սենեկալ պարային զույգը նվաճել է Հունգարիայի մայրաքաղաքում անցկացված գեղասահքի «չելենջեր» շարքի Budapest Trophy մրցաշարի հաղթողի կոչումը։ Կարճ եւ ազատ ծրագրում նրանց ընդհանուր միավորը կազմել է 181,05 միավոր, ինչը նրանց լավագույն արդյունքն է (տեսանյութ)։
Հայաստանի զույգը 0,4 միավոր է առաջ անցել երկրորդ տեղը գրաված Լիտվայի Ալիսոն Ռեեդ – Սաուլիուս Ամբրուլեւիցիուսից։
Հիշեցնենք, որ Թինա Կարապետյան - Սիմոն Սենեկալ զույգը սեպտեմբերին Գերմանիայի Օբերստդորֆ քաղաքում անցկացված Nebelhorn Trophy 2021 օլիմպիական վարկանիշային մրցաշարում 2 ծրագրերի արդյունքում վաստակել էին 173.03 միավոր, գրավել չորրորդ տեղը՝ նվաճելով 2002թ․ Պեկինի Օլիմպիական խաղերի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։