Անգլիական «Մանչեսթեր Յունայթեդի» եւ աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի իտալացի գործակալ Մինո Ռայոլան իր հաճախորդին ստիպում է չերկարաձգել պայմանագիրը մանչեսթերյան ակումբի հետ եւ հաջորդ ամռանն ազատ գործակալի կարգավիճակում միանալ Մադրիդի «Ռեալին», հաղորդում է ABC-ն։
Արքայական ակումբի ղեկավարությունը Ռայոլային հայտնել է, որ պատրաստ է 28-ամյա ֆուտբոլիստին վճարել տարեկան 14 միլիոն եվրո։
Ավելի վաղ Ռայոլան չէր բացառել, որ Պոգբան կվերադառնա Թուրինի «Յուվենտուս», որի կազմում հանդես է եկել 2012-2016 թվականներին։ «Մանչեսթեր Յունայթեդն» իտալական ակումբին նրա համար վճարել էր 105 միլիոն եվրո։ Transfermarkt-ը Պոգբայի տրանսֆերային արժեքն այժմ գնահատում է 60 միլիոն եվրո։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։