ՊՍԺ-ի կամային հաղթանակն ու Մբապեի հաղթական գոլը (ֆոտո, վիդեո)

00:51   16 հոկտեմբերի, 2021

Ֆրանսիայի առաջնության 10-րդ տուրուոմ ՊՍԺ-ն տանը մրցեց «Անժեի» հետ։ Փարիզյան թիմը տարավ կամային հաղթանակ 2։1 հաշվով։

Առաջինը գոլ խփեցին հյուրերը։ Իտալացի Ջանլուիջի Դոնարումայի պաշտպանած դարպասը 36-րդ րոպեին գրավեց ֆրանսիացի կիսապաշտպան Անժելո Ֆյուլժինին։

69-րդ րոպեին հավասարությունը վերականգնեց պորտուգալացի կիսապաշտպան Պերեյրա Դանիլուն։ Արգենտինացի Մաուրիսիո Պոչետինոյի գլխավորած թիմի հաղթական գոլը 87-րդ րոպեին 11 մետրանոցից խփեց աշխարհի չեմպիոն եւ Ազգերի լիգայի գավաթակիր Ֆրանսիայի հավաքականի հարձակվող Կիլիան Մբապեն։

Հարավամերկյան հավաքականներում հոկտեմբերի 14-ին աշխարհի առաջնության ընտրական հանդիպումներին մասնակցած ֆուտբոլիստները չէին ըդգրկվել ՊՍԺ-ի կազմում։

ՊՍԺ-ն 9 հաղթանակից և 1 պարտությունից հետո 25 միավորով գլխավորում է մրցաշարային աղյուսակը։ «Անժեն» չորրորդն է՝ 16 միավոր։

Ֆրանսիայի առաջնություն, 10-րդ տուր

ՊՍԺ - «Անժե»՝ 2։1 (տեսանյութ)

Պերեյրա Դանիլու, 69, Կիլիան Մբապե, 87, 11մ - Անժելո Ֆյուլժինի, 36

 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։