Գվարդիոլա. Հույս ունեմ, որ Ռահիմ Ստերլինգը շատ կարեւոր խաղացող կլինի մեր թիմի համար
22:11 15 հոկտեմբերի, 2021Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան մեկնաբանել է թիմի անգլիացի կիսապաշտպան Ռահիմ Ստերլինգի հայտարարությունը, թե կցանկանար փոխել թիմը, եթե ստանար մշտական խաղաժամանակ ունենալու երաշխիք։
«Ես չգիտեի, որ Ստերլինգը մտածում է հեռանալու մասին։ Չեմ կարծում, որ այդ մասին իմացել են ակումբում։ Ռահիմը մեր ֆուտբոլիստն է։ Հույս ունեմ, որ նա շատ կարեւոր խաղացող կլինի մեր թիմի համար։ Ռիյադ Մահրեզն ու Ժոաու Կանսելուն նույնպես միշտ չեն խաղում, բայց չեն դժգոհում։
Ես չեմ կարող նրանց խաղաժամանակ երաշխավորել։ Խաղադաշտում պետք է ցույց տան իրենց հավակնությունները։ Նրանք գիտեն, որ կստանան իրենց րոպեները եւ ներդրում կունենան»,- Գվարդիոլայի խոսքը մեջբերում է BBC-ն։
Անգլիայի ընթացիկ առաջնությունում Ստերլինգը մասնակցել է 7 հանդիպման՝ ամեն խաղում անցկացնելով միջինը 39 րոպե։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։