Աշխարհի չեմպիոնուհու սպանության մեջ կասկածվողը ամուսինն է, որը ձերբակալվել է փախուստի ժամանակ

13:58   15 հոկտեմբերի, 2021

Քենիացի վազորդուհի Ագնես Տիրոպի սպանության մեջ կասկածվողը նրա ամուսինն է, որին ոստիկանները ձերբակալել են փախուստի ժամանակ։ Տղամարդը հայտնվել է ՃՏՊ-ում, ինչի շնորհիվ էլ ոստիկանները հայտնաբերել են նրան, հաղորդում է tmz.com-ը։

Մի քանի օր առաջ Ագնես Տիրոպին մահացած էին գտել սեփական տանը Քենիայի Իտեն քաղաքում։ Նախնական տվյալներով, 25-ամյա Տիրոպին դանակահարել է ամուսինը։

Տիրոպը կրոսավազքի աշխարհի չեմպիոն է, 10 հազար մետր վազքի աշխարհի առաջնության կրկնակի բրոնզե մեդալակիր։ Տոկիոյի Օլիմպիական խաղերում նա չորրորդ տեղն էր գրավել 5 հազար մետր վազքում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։