ՊՍԺ-ն ցանկանում է ձեռք բերել Դորտմունդի «Բորուսիայի» եւ Նորվեգիայի հավաքականի հարձակվող Էրլինգ Հոլանդին։ Փարիզյան ակումբը պատրաստ է 21-ամյա ֆուտբոլիստին առաջարկել 38-42 միլիոն եվրո չհաշված հնարավոր բոնուսները, հաղորդում է Foot Mercato-ն։
ՊՍԺ-ն արդեն սկսել է բանակցությունները Էրլինգ Հոլանդի գործակալ Մինո Ռայոլայի հետ 2 տարվա պայմանագրի շուրջ։
Էրլինգ Հոլանդի պայմանագիրը գերմանական ակումբի հետ նախատեսված է մինչեւ 2024թ. հունիս։ Այդ պայմանագրով 2022թ. հունիսին «Բորուսիան» պարտավոր է վաճառել Հոլանդի տրանսֆերը, եթե ստանա 75 միլիոն եվրոյից սկսվող առաջարկ։ Այդ գումարը կարող է հասնել 90 միլիոն եվրոյի, եթե ընթացիկ մրցաշրջանում Հոլանդը հասնի արդյունավետության որոշ ցուցանիշների։
Հոլանդի ծառայություններով հետաքրքրված են նաեւ «Ռեալը», «Բարսելոնան», «Մանչեսթեր Սիթին», «Չելսին», «Յուվենտուսը», «Մանչեսթեր Յունայթեդը»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։