Զլատան Իբրահիմովիչը վերսկսել է մարզումները «Միլանի» ընդհանուր խմբում

19:46   14 հոկտեմբերի, 2021

Իտալական «Միլանի» 40-ամյա շվեդ հարձակվող Զլատան Իբրահիմովիչը վերսկսել է մարզումներն իտալացի Ստեֆանո Պիոլիի գլխավորած թիմի ընդհանուր խմբում, հաղորդում է ակումբի մամուլի ծառայությունը։

Իտալիայի ընթացիկ առաջնությունում Իբրահիմովիչը մասնակցել է մեկ հանդիպման, խփել մեկ գոլ։ Մնացած ժամանակում նա տարբեր վնասվածքների պատճառով եղել է ապաքինման փուլում։

Նա ծնկի վնասվածք էր ստացել անցած մրցաշրջանի վերջում եւ վիրահատվել, ինչի պատճառով չկարողացավ մասնակցել Եվրո-2020-ին։

Իտալիայի առաջնության 8-րդ տուրում «Միլանը» հոկտեմբերի 16-ին կընդունի «Վերոնային»։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։