Ծանրամարտի ԱԱ․ Հայաստանի հավաքականի կազմը

23:14   13 հոկտեմբերի, 2021

Հայտնի է ծանրամարտի Հայաստանի հավաքականի կազմը, որը կմասնակցի աշխարհի առաջնությանը: Հայաստանը կունենա 10 ներկայացուցիչ:

Այս մասին NEWS.am Sport-ի թղթակցի հետ զրույցում ասել է ծանրամարտի տղամարդկանց Հայաստանի հավաքականի մարզիչ Վիգեն Խաչատրյանը։

«Աշխարհի առաջնության կմասնակցենք ամբողջական թիմով՝ 10 ծանրորդով: 81 կգ քաշային կարգ՝ Ռաֆիկ Հարությունյան, 89 կգ՝ Անդրանիկ Կարապետյան, Կարեն Ավագյան, 96 կգ՝ Հակոբ Մկրտչյան, Դավիթ Հովհաննիսյան, 102 կգ՝ Սամվել Գասպարյան, 109 կգ՝ Սիմոն եւ Արսեն Մարտիրոսյաններ, +109 կգ՝ Գոռ Մինասյան եւ Վարազդատ Լալայան:

Մինչեւ աշխարհի առաջնություն, թիմը երեք հավաք կանցնի: Հոկտեմբերի 18-ից նոյեմբերի 5-ը առաջին հավաքը կանենք Ուկրաինայում, նոյեմբերի 6-15-ը՝ Ծաղկաձորում եւ եւս մեկ հավաք՝ Աբովյանի մարզաբազայում, որտեղից էլ կմենկենք Տաշքենդ:

Առաջատարներով ենք մասնակցում, թիմային պայքար ենք տանելու, որպեսզի մեր տեղը պահպանենք լավագույն եռյակում»,- ասաց Վիգեն Խաչատրյանը:

Աշխարհի առաջնությունը կանցկացվի դեկտեմբերի 7-17-ն Ուզբեկստանի մայրաքաղաք Տաշքենդում։

Լուսինե Շահբազյան



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։