«Միլանն» ունի նոր դարպասապահ (ֆոտո)

22:57   13 հոկտեմբերի, 2021

Իտալական «Միլանը» հայտարարեց «Ռոմայի» նախկին դարպասապահ Անտոնիո Միրանտեի հետ պայմանագիր կնքելու մասին։ 38-ամյա ֆուտբոլիստն ազատ գործակալի կարգավիճակում է միացել միլանյան թիմին, որի հետ նրա պայմանագիրը նախատեսված է մինչեւ այս մրցաշրջանի ավարտը։

«Միլանը» որոշեց հրավիրել Միրանտեին, քանի որ թիմի հիմնական դարպասապահ, 26-ամյա ֆրանսիացի Մայք Մենյանը դաստակի վիրահատությունից հետո բաց է թողնելու մեկ ամիս։

Միրանտեն հանդես կգա 83 համարի խաղաշապիկով։ «Ռոման» ամռանը չերկարաձգեց նրա պայմանագիրը։ Իտալացի դարպասապահը հանդես է եկել նաեւ «Յուվենտուսում», «Կրոտոնեում», «Սիենայում», «Սամպդորիայում», «Պարմայում» եւ «Բոլոնիայում»։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։