«Միլանն» ունի նոր դարպասապահ (ֆոտո)

Իտալական «Միլանը» հայտարարեց «Ռոմայի» նախկին դարպասապահ Անտոնիո Միրանտեի հետ պայմանագիր կնքելու մասին։ 38-ամյա ֆուտբոլիստն ազատ գործակալի կարգավիճակում է միացել միլանյան թիմին, որի հետ նրա պայմանագիրը նախատեսված է մինչեւ այս մրցաշրջանի ավարտը։

«Միլանը» որոշեց հրավիրել Միրանտեին, քանի որ թիմի հիմնական դարպասապահ, 26-ամյա ֆրանսիացի Մայք Մենյանը դաստակի վիրահատությունից հետո բաց է թողնելու մեկ ամիս։

Միրանտեն հանդես կգա 83 համարի խաղաշապիկով։ «Ռոման» ամռանը չերկարաձգեց նրա պայմանագիրը։ Իտալացի դարպասապահը հանդես է եկել նաեւ «Յուվենտուսում», «Կրոտոնեում», «Սիենայում», «Սամպդորիայում», «Պարմայում» եւ «Բոլոնիայում»։

Day 1 of your new Rossonero adventure
Benvenuto, @MIRANTE83 #NewPlayerUnlocked #SempreMilan pic.twitter.com/0WkSqaQCmq

— AC Milan (@acmilan) October 13, 2021