Պորտուգալիայի հավաքականի նախկին ֆուտբոլիստ, 49-ամյա Ռուի Կոշտան ընտրվել է Լիսաբոնի «Բենֆիկայի» նախագահ։ Նա ստացել է ձայների 84,48 տոկոսը հաղորդում է ակումբի կայքը։
Ռուի Կոշտան «Բենֆիկայի» նախագահի պաշտոնակատար էր նշանակվել հուլիսին, երբ նախորդ նախագահ Լուիշ Ֆիլիպե Վիեյրան ձերբակալվել էր։ Նա մեղադրվում է խարդախության եւ փողերի լվացման մեջ։
2008-ին ֆուտբոլիստի կարիերան ավարտած Կոշտան նույն տարում նշանակվել էր «Բենֆիկայի» մարզական տնօրեն եւ անփոփոխ այդ պաշտոնում էր մինչեւ նախագահ դառնալը։
Կոշտան ակումբային կարիերայի ընթացքում հանդես է եկել նաեւ իտալական «Ֆիորենտինայում» եւ «Միլանում»։ Պորտուգալիայի հավաքականում նա խաղացել է 1993-2004-ին՝ դառնալով Եվրոպայի փոխչեմպիոն եւ բրոնզե մեդալակիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։