«Միլանն» ուժեղ էր «Ատալանտայից» (տեսանյութ)

00:42   4 հոկտեմբերի, 2021

Իտալիայի առաջնության 7-րդ տուրում «Միլանը» հյուրընկալվեց «Ատալանտային» եւ հաղթեց 3։2 հաշվով։

Առաջին րոպեին հաշիվը բացեց «Միլանի» իտալացի պաշտպան Դավիդե Կալաբրիան, 42-րդ րոպեին աչքի ընկավ իտալացի կիսապաշտպան Սանդրո Տոնալին, 78-րդ րոպեին իտալացի Ստեֆանո Պիոլիի գլխավորած թիմի առավելությունը մեծացրեց պորտուգալացի հարձակվող Ռաֆայել Լեաուն։

Վերջնամասում դաշտի տերերը 11 մետրանոցից կրճատեցին հաշվի տարբերությունը։ Ավելացված չորրորդ րոպեին էլ խորվաթ կիսապաշտպան Մարիո Պաշալիչը խփեց «Ատալանտայի» երկրորդ գոլը։

«Միլանը» 19 միավորով երկրորդն է եւ առաջատար «Նապոլիից» հետ է 2 միավոր։ «Ատալանտան» 8-րդ տեղում է՝ 11 միավոր։

Իտալիայի առաջնություն, 7-րդ տուր

«Ատալանտա» - «Միլան»՝ 2։3 (տեսանյութ)

Դուվան Սապատա, 86, 11մ, Մարիո Պաշալիչ, 90+4 - Դավիդե Կալաբրիա, 1, Սանդրո Տոնալի, 42, Ռաֆայել Լեաու, 78



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։