Կալիսիրը բաց կթողնի Հայաստանի հավաքականի առաջիկա 2 հանդիպումը

23:27   3 հոկտեմբերի, 2021

Ֆուտբոլի Հայաստանի ազգային հավաքականի պաշտպան Անդրե Կալիսիրը բաց կթողնի Իսլանդիայի և Ռումինիայի հավաքականների դեմ հանդիպումները աշխարհի առաջնության ընտրական մրցաշարում, հաղորդում է ՀՖՖ-ի մամուլի ծառայությունը։

Պատճառը Դանիայի Սուպերլիգայի 11-րդ տուրի «Սիլկեբորգ» - «Նորշելան» խաղում (4։1) ստացած վնասվածքն է։ Հայ ֆուտբոլիստը փոխարինվել է 35-րդ րոպեին։ Նախնական բուժզննությամբ՝ Կալիսիրի ապաքինման համար կպահանջվի 2-4 շաբաթ:

J խմբում Հայաստանի թիմը հոկտեմբերի 8-ին Ռեյկյավիկում կհյուրընկալվի Իսլանդիային, 3 օր անց Բուխարեստում կմրցի Ռումինիայի հետ։ 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։