Իսպանիայի առաջնության 8-րդ տուրում առաջատար «Ռեալը» Բարսելոնայում մրցեց «Էսպանյոլի» հետ։ Իտալացի Կառլո Անչելոտիի գլխավորած թիմը պարտություն կրեց 1։2 հաշվով։
17-րդ րոպեին խաղին հաշիվը բացեց դաշտի տերերի իսպանացի հարձակվող Ռաուլ դե Թոմասը։ 60-րդ րոպեին իսպանացի Վիսենտե Մորենոյի գլխավորած թիմի առավելությունը կրկնապատկեց իսպանացի կիսապաշտպան Ալեյշ Վիդալը։ 71-րդ րոպեին տարբերությունը կրճատեց մադրիդյան թիմի ֆրանսիացի հարձակվող Քարիմ Բենզեման։
Արքայական ակումբը առաջին պարտությունը կրեց ընթացիկ առաջնությունում եւ 17 միավորով մնաց առաջին տեղում։ Նույնքան միավոր է վաստակել երկրորդ տեղում ընթացող չեմպիոն «Աթլետիկոն»։ «Էսպանյոլը» 9 միավորով բարձրացավ 12-րդ տեղ։
Իսպանիայի առաջնություն, 8-րդ տուր
«Էսպանյոլ» - «Ռեալ»՝ 2։1 (տեսանյութ)
Ռաուլ դե Թոմաս, 17, Ալեյշ Վիդալ, 60 - Քարիմ Բենզեմա, 71
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։