Ֆրանսիայի առաջնությունում ՊՍԺ-ն 8 հաղթանակից հետո կրեց առաջին պարտությունը։ 9-րդ տուրում արգենտինացի Մաուրիսիո Պոչետինոյի գլխավորած թիմը հյուրընկալվեց «Ռենին», որն առավելության հասավ 2։0 հաշվով։
Ֆրանսիացի հարձակվող Գաետան Լաբորդեն աչքի ընկավ 45-րդ րոպեին, իսկ երկրորդ խաղակեսի առաջին րոպեին նա գոլային փոխանցում կատարեց ֆրանսիացի կիսապաշտպան Ֆլավիեն Տետին։
ՊՍԺ-ի մեկնարկային կազմում էին հարձակվողներ, արգենտինացի Լիոնել Մեսին, բրազիլացի Նեյմարը եւ ֆրանսիացի Կիլիան Մբապեն։ 76-րդ րոպեին Նեյմարին փոխարինեց արգենտինացի հարձակվող Մաուրո Իկարդին։
ՊՍԺ-ն 24 միավորով շարունակում է գլխավորել մրցաշարային աղյուսակը եւ 6 միավորի առավելություն ունի երկրորդ տեղում ընթացող «Լանսի» նկատմամբ։ «Ռենը» 7-րդն է՝ 12 միավոր։
Ֆրանսիայի առաջնություն, 9-րդ տուր
«Ռեն» - ՊՍԺ՝ 2։0 (տեսանյութ)
Գաետան Լաբորդե, 45, Ֆլավիեն Տետ, 46
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։