«Աթլետիկոն» ուժեղ էր «Բարսելոնայից», Սուարեսի տպավորիչ ցուցանիշը (տեսանյութ)

00:52   3 հոկտեմբերի, 2021

Իսպանիայի առաջնության 8-րդ տուրի կենտրոնական խաղը տեղի ունեցավ Մադրիդում, որտեղ գործող չեմպիոն «Աթլետիկոն» ընդունեց կատալոնական «Բարսելոնային» և առավելության հասավ 2:0 հաշվով:

Հանդիպման 2 գոլերն էլ գրանցվեցին առաջին խաղակեսում: 22-րդ րոպեին դաշտի տերերին առաջ մղեց ֆրանսիացի կիսապաշտպան Թոմաս Լեմարը, իսկ խաղակեսի վերջնամասում հաշիվը կրկնապատկեց «Բարսելոնայի» նախկին հարձակվող Լուիս Սուարեսը:

34-ամյա Սուարեսը գոլ է խփել Լա Լիգայի բոլոր թիմերին, որոնց դեմ խաղացել է: «Բարսելոնան» վերջինն էր այդ ցուցակում:

Այս հաղթանակից հետո Դիեգո Սիմեոնեի գլխավորած թիմը վաստակեց 17 միավոր և հավասարվեց առաջատար Մադրիդի «Ռեալին», որը մեկ հանդիպում պակաս է անցկացրել: «Բարսելոնան» առաջին պարտությունը կրեց Իսպանիայի ընթացիկ առաջնությունում և 12 միավորով 9-րդն է:

Իսպանիայի առաջնություն, 8-րդ տուր

«Աթլետիկո» - «Բարսելոնա»՝ 2:0 (տեսանյութ)

Թոմաս Լեմար, 22, Լուիս Սուարես, 44



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։