Տոկիո-2020-ի օլիմպիական չեմպիոն Արթուր Դալալոյանը չի մասնակցի ԱԱ-ին

14:38   1 հոկտեմբերի, 2021

Տոկիոյի Օլիմպիական խաղերի չեմպիոն, սպորտային մարմնամարզության Ռուսաստանի հավաքականի առաջատար Արթուր Դալալոյանը չի մասնակցի այս տարվա աշխարհի առաջնությանը։

«Օլիմպիական խաղերից հետո սկսվեց անկում, որն ախուսափելի էր։ Երբ հույզերն ու ադրենալինն անցնում են, ոտքի վնասվածքը դարձյալ զգացվում է։ Կարծում եմ՝ մինչեւ Նոր տարի կանցնի։

Շատ էի ցանկանում հանդես գալ աշխարհի առաջնությունում, բայց իմաստ չունի մեկնել, երբ լավագույն մարզավիճակում չես»,- 25-ամյա Արթուր Դալալոյանի խոսքը մեջբերում է Sport-express.ru-ն։

Աշխարհի առաջնությունը կանցկացվի հոկտեմբերի 18-24-ը Ճապոնիայի Կիտակյուսյու քաղաքում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։