Ռոբերտ Լեւանդովսկու ռեկորդը Չեմպիոնների լիգայում

11:02   30 սեպտեմբերի, 2021

Գերմանիայի չեմպիոն Մյունխենի «Բավարիայի» լեհ հարձակվող Ռոբերտ Լեւանդովսկին դարձավ Չեմպիոնների լիգայի պատմության մեջ առաջին ֆուտբոլիստը, որը մասնակցեց հաղթանակով ավարտված 18 անընդմեջ հանդիպման, հաղորդում է OptaJose-ն։

Չեմպիոնների լիգայի երկրորդ տուրում «Բավարիան» Մյունխենում 5։0 հաշվով հաղթեց Կիեւի «Դինամոյին»։ Լեւանդովսկին դարձավ դուբլի հեղինակ։ Նա Չեմպիոնների լիգայում «Բավարիայի» հետ մասնակցել է 70 հանդիպման, խփել 60 գոլ։

E խմբում «Բավարիան» երկու հաղթանակից հետո առաջատարն է եւ երրորդ տուրում կմրցի 4 միավորով երկրորդ տեղում ընթացող պորտուգալական «Բենֆիկայի» հետ։ «Դինամոն» ունի 1 միավոր, «Բարսելոնան» կրել է երկու պարտություն։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։