Շվեյցարական Մոնտրյո քաղաքում դեկտեմբերի 16-ին տեղի կունենա Ազգերի լիգայի 2022/23թթ. մրցաշրջանի վիճակահանությունը։ Ազգերի լիգայի նախորդ մրցաշարի C լիգայի երկրորդ խմբում հաղթանակի շնորհիվ Հայաստանի ազգային հավաքականն այս անգամ հանդես կգա B դիվիզիոնում։
Հայկական թիմն ընդգրկված է B լիգայի չորրորդ զամբյուղում, որտեղ հնարավոր մրցակիցներն են՝ Ուկրաինան, Շվեդիան, Բոսնիա և Հերցեգովինան, Իսլանդիան (Զամբյուղ 1), Ֆինլանդիան, Նորվեգիան, Շոտլանդիան, Ռուսաստանը (Զամբյուղ 2), Իսրայելը, Ռումինիան, Սերբիան և Իռլանդիան (Զամբյուղ 3)։
4 հանդիպումներ կկայանան 2022 թվականի հունիսին, ևս երկուսը՝ սեպտեմբերին, փոխանցում է ՀՖՖ մամուլի ծառայությունը։
Խմբում հաղթելու դեպքում Հայաստանի հավաքականն Ազգերի լիգայի հաջորդ մրցաշարում կխաղա A լիգայում։ Խմբում վերջին տեղը զբաղեցնելու դեպքում Խոակին Կապառոսի գլխավորած թիմը կնահանջի C լիգա։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։