CAS-ը չեղարկել է ՀՖՖ-ի կողմից որակազրկված ֆուտբոլիստների պատժամիջոցը
13:18 28 սեպտեմբերի, 2021Ֆուտբոլային իրավունքի վեճերով մասնագիտացված Art Legal փաստաբանական գրասենյակը հանդես է եկել հայտարարությամբ՝ նշելով, որ Լոզանի սպորտային արբիտրաժային դատարանում (CAS) հաղթել է ՀՖՖ-ի դեմ հայցը 3 ֆուտբոլիստների հարցով:
«Ուրախությամբ հայտնում ենք, որ Լոզանի սպորտային արբիտրաժային դատարանը (CAS), քննելով մեր ներկայացված լայնածավալ բողոքը, ամբողջությամբ բավարարել է այն, այդպիսով վերացնելով մեր հաճախորդների վրա դրված ֆուտբոլային գործունեությամբ զբաղվելու արգելքը։
Նույն 02.07.2020թ. աննախադեպ որոշմամբ ՀՖՖ-ն որակազրկել էր ընդհանուր 58 ֆուտբոլիստի և 5 հայկական ֆուտբոլային ակումբների, իսկ ՀՖՖ բողոքարկման կոմիտեն ամբողջապես մերժել էր բոլոր ներկայացված դիմում-բողոքները։ Այսպիսով, Լոզանի արբիտրաժը հաստատեց որ մեր հաճախորդներն արդար են և անմեղ։
Նման որոշումն ազդակ է բոլոր կողմերի համար՝ գործելու արդար և անաչառ, աշխատել միայն ի նպաստ հայկական ֆուտբոլի զարգացման։
Միևնույն ժամանակ, ցանկանում ենք արձանագրել, որ մշտապես դեմ ենք եղել հայկական ֆուտբոլում անօրինականություններին և անարդարություններին, անկախ այն հանգամանքից, թե ով է այն կատարում և ինչպես, ուստի մենք ևս գործադրելու ենք բոլոր հնարավոր ջանքերը ի նպաստ հայկական ֆուտբոլի և սպորտային իրավունքի զարգացմանը։
Շնորհակալ ենք մեզ վստահելու համար»,- ասվում է հայտարարության մեջ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։