ՈւԵՖԱ-ն դադարեցրել է հետաքննությունը «Ռեալի», «Բարսելոնայի» և «Յուվենտուսի» նկատմամբ

12:14   28 սեպտեմբերի, 2021

ՈւԵՖԱ-ն դադարեցրել է հետաքննությունը երոպական Սուպերլիգայի հիմնադիրներ Մադրիդի «Ռեալի», կատալոնական «Բարսելոնայի» և Թուրինի «Յուվենտուսի» նկատմամբ, hաղորդում է ՈւԵՖԱ-ի մամուլի ծառայությունը:

««Ռեալի», «Բարսելոնայի» և «Յուվենտուսի» նկատմամբ Սուպերլիգայի ու ՈւԵՖԱ-ի կանոնների հնարավոր խախտումների վերաբերյալ կարգապահական գործերի բացումից հետո ՈւԵՖԱ-ի կարգապահական կոմիտեն որոշել է դադարեցնել հետաքննությունը մինչև հետագա ծանուցումը»,- ասվում է հայտարարությունում:

Հիշեցնենք, որ Սուպերլիգան պետք է մեկնարկեր այս տարվա օգոստոսին։ Սուպերլիգայի նախագծից դուրս չեն եկել «Ռեալը», «Բարսելոնան» և «Յուվենտուսը»։ 12 հիմնադիր ակումբներից («Միլան», «Ինտեր», «Յուվենտուս»,  «Բարսելոնա», «Ռեալ», «Աթլետիկո», «Արսենալ», «Մանչեսթեր Սիթի», «Լիվերպուլ», «Տոտենհեմ», «Չելսի», «Մանչեսթեր Յունայթեդ») մյուս 9-ը ազգային ֆեդերացիաների, ակումբների երկրպագուների և ՖԻՖԱ-ի ու ՈւԵՖԱ-ի ճնշման տակ հրաժարվեցին նախագծից։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։