«Ֆեներբահչեի» ու «Բեշիկթաշի» նախկին ֆուտբոլիստը կասկածվում է սպանության մեջ

10:05   28 սեպտեմբերի, 2021

Ստամբուլի «Ֆեներբահչեի» ու «Բեշիկթաշի» նախկին ֆուտբոլիստ Սեզար Օզթյուրկը հետախուզվում է Թուրքիայի ոստիկանության կողմից: Նա կասկածվում է սպանություն կատարելու մեջ, հայտնում է NTV Spor-ը:

Սեպտեմբերի 19-ին Ստամբուլում տղամարդը փողոցում կոնֆլիկտի ֆոնին կրակ է բացել մի խումբ մարդկանց վրա: Տուժողներից մեկը մահացել է, ևս չորսը տեղափոխվել են հիվանդանոց:

Ականատեսները ճանաչել են նախկին ֆուտբոլիստ Սեզար Օզթյուրկին: Դրանից հետո նա փախուստի մեջ է:

35-ամյա Օզթյուրկը Լևերկուզենի «Բայերի» սան է, Գերմանիայում խաղացել է նաև «Նյուրնբերգում»: 2006-ից նա հանդես է եկել թուրքական ակումբներում, իսկ 2015-ին ավարտել է կարիերան:



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։