Կումանը բաց կթողնի Մադրիդի «Աթլետիկոյի» դեմ հանդիպումը

19:10   27 սեպտեմբերի, 2021

«Բարսելոնայի» հոլանդացի գլխավոր մարզիչ Ռոնալդ Կումանը բաց կթողնի չեմպիոն Մադրիդի «Աթլետիկոյի» դեմ հանդիպումը Իսպանիայի առաջնության 8-րդ տուրում։

58-ամյա մասնագետը երկու խաղով որակազրկվել էր Իսպանիայի առաջնության 6-րդ տուրում «Կադիսի» (0։0) հետ դիմակայության վերջնամասում մրցավարների հետ վիճաբանության հետեւանքով ստացած կարմիր քարտի պատճառով։

«Լեւանտեի» դեմ նախորդ տուրի հանդիպումը Կումանը բաց թողեց, կատալոնական թիմը հաղթեց 3։0 հաշվով։ «Բարսելոնայի» ղեկավարությունը չի դիմել բողոքարկման կոմիտե մարզիչի որակազրկման կրճատման հարցով, հաղորդում է AS-ը։

«Աթլետիկո» - «Բարսելոնա» հանդիպումը տեղի կունենա հոկտեմբերի 2-ին եւ կմեկնարկի Երեւանի ժամանակով 23։00-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։