Գվարդիոլա․ Հույս ունեմ, որ Մեսին կխաղա «Մանչեսթեր Սիթիի» դեմ

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան հույս է հայտնել, որ ՊՍԺ-ի արգենտինացի հարձակվող Լիոնել Մեսին կկարողանա մասնակցել Չեմպիոնների լիգայի երկրորդ տուրի հանդիպմանը։

«Մեսիի ձեռքբերումները կարիերայի ընթացքում բացառիկ են։ Ես հույս ունեմ, որ վաղը նա կկարողանա խաղալ՝ հանուն ֆուտբոլի։

Անցած մրցաշրջանում ՊՍԺ-ն ուներ ֆանտաստիկ թիմ, եւ մեր միջեւ հանդիպումներում հավասար պայքար էր, իսկ հիմա նրանց է միացել նաեւ Մեսին։ ՊՍԺ-ն լուրջ մրցակից է»,- Գվարդիոլայի խոսքը մեջբերում է ՈւԵՖԱ-ի մուլի ծառայությունը։

Մեսին ծնկի վնասվածքի հետեւանքով բաց է թողել նախորդ երկու հանդիպումները, սակայն արդեն երկու օր մարզվել է արգենտինացի Մաուրիսիո Պոչետինոյի գլխավորած թիմի ընդհանուր խմբում։

ՊՍԺ - «Մանչեսթեր Սիթի» հանդիպումը տեղի կունենա սեպտեմբերի 28-ին եւ կմեկնարկի Երեւանի ժամանակով 23։00-ին։