Ալեքսանդր Ուսիկը չեմպիոնական գոտիները վերադարձրել է Էնթոնի Ջոշուային

15:50   27 սեպտեմբերի, 2021

Ուկրաինացի բռնցքամարտիկ Ալեքսանդր Ուսիկն Էնթոնի Ջոշուայի նկատմամբ հաղթանակից հետո բրիտանացուն է վերադարձրել նրա չեմպիոնական գոտիները:

Սեպտեմբերի 26-ին Լոնդոնի «Տոտենհեմի» ստադիոնում տեղի ունեցած մենամարտում 34-ամյա Ուսիկը Ջոշուային հաղթել էր միավորներով և նվաճել նրան պատկանող WBA Super, WBO, IBF եւ IBO վարկածներով չեմպիոնական տիտղոսները սուպերծանր քաշային կարգում։

Ալեքսանդր Ուսիկը պրոֆեսիոնալ ռինգում է 2013 թվականից, 19 մենամարտում տարել է նույնքան հաղթանակ, 13-ը՝ նոկաուտով։ 31-ամյա Էնթոնի Ջոշուան 24 մենամարտում կրեց երկրորդ պարտությունը։ Նա 22 հաղթանակներն էլ տարել է նոկաուտով։



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։