10 ամիս անց դաշտ վերադարձած Անսու Ֆատի. «Բարսելոնայի» 10 համարը չի ճնշում

16:12   27 սեպտեմբերի, 2021

«Բարսելոնայի» հարձակվող Անսու Ֆատին տևական ընդմիջումից հետո խաղադաշտ վերադառնալուց հետո խոսել է կատալոնական ակումբի 10 համարի մարզաշապիկով հանդես գալու մասին:

«10 համարը ճնշող չէ: Ինձ համար մեծ պատիվ է այդ խաղային համարին արժանանալ Լիոնել Մեսիից հետո: Շնորհակալ եմ ակումբին ու ավագին: Իսկ թե ինչ դերակատարում եմ ունենալու «Բարսելոնայում», ես պարզապես մեկ խաղացող եմ: Կփորձեմ օգնել թիմին, երբ մարզիչը տա դաշտ դուրս գալու հնարավորություն:

Ինչ վերաբերում է խաղադաշտ վերադառնալուն, ապա շատ ուրախ եմ դարձյալ վայելել ֆուտբոլը, հաղթանակն ու գոլը: Շնորհակալ եմ բոլորին, ովքեր ինձ օգնել են այս ընթացքում: Շնորհակալ եմ երկրպագուներին մեծ սիրո համար»,- 18-ամյա ֆուտբոլիստի խոսքը մեջբերում է:

Հիշեցնենք, որ Ֆատին վնասվածքից հետո խաղադաշտ էր վերադարձել «Լևանտեի» դեմ Իսպանիայի առաջնության 7-րդ տուրի խաղում (3:0), որտեղ փոխարինման էր դուրս եկել 81-րդ րոպեին և դարձել գոլի հեղինակ: 2020թ. նոյեմբերի 7-ից հետո նա առաջին անգամ էր ընդգրկվել կատալոնացիների հայտացուցակում: Այդ ժամանակ նա «Բետիսի» դեմ խաղում ստացել էր ծնկի ծանր վնասվածք, որի պատճառով բաց թողեց 10 ամիս:



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։