Ալեգրի․ Դիբալան ու Մորատան չեն խաղա «Չելսիի» եւ «Տորինոյի» դեմ

19:13   26 սեպտեմբերի, 2021

Թուրինի «Յուվենտուսի» իտալացի գլխավոր մարզիչ Մասիմիլիանո Ալեգրին մեկնաբանել է 3։2 հաշվով հաղթանակը «Սամպդորիայի» նկատմամբ Իտալիայի առաջնության 6-րդ տուրում, նաեւ հայտնել է, որ հարձակվողներ Պաուլո Դիբալան ու Ալվարո Մորատան վնասվածքներ են ստացել եւ չեն մասնակցի առաջիկա երկու հանդիպումներին։

«Գոհ եմ, որ տարանք երկրորդ անընդմեջ հաղթանակը եւ առաջին անգամ հաղթեցինք տանը այս առաջնությունում։

Հիմա մենք պատրաստվում ենք «Չելսիի» դեմ խաղին։ Դիբալան ու Մորատան չեն կարողանա խաղալ «Չելսիի» եւ «Տորինոյի» դեմ։ Դա հաստատ է։

Մենք հույս ունենք, որ հավաքականների խաղերից հետո նրանք կլինեն մեր տրամադրության տակ»,- Ալեգրիի խոսքը մեջբերում է Sky Sport Italia-ն։

Չեմպիոնների լիգայի երկրորդ տուրի «Յուվենտուս» - «Չելսի» հանդիպումը տեղի կունենա սեպտեմբերի 29-ին։



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։