Մբապեն դժգոհել է, որ Նեյմարն իրեն փոխանցում չի կատարում

18:08   26 սեպտեմբերի, 2021

Ֆրանսիական ՊՍԺ-ի հարձակվողներ, ֆրանսիացի Կիլիան Մբապեի եւ բրազիլացի Նեյմարի հարաբերությունները սրվել են արգենտինացի հարձակվող Լիոնել Մեսիի տեղափոխությունից հետո, հաղորդում է RMC Sport-ը։

Մասնավորապես, Մբապեն «Մոնպելյեի» դեմ Ֆրանսիայի առաջնության 8-րդ տուրի խաղում (2։0) փոխարինվելուց հետո պահեստայինների նստարանին թիմակիցներին դժգոհել է, որ Նեյմարն իրեն փոխանցում չի կատարում։ 

Այդ խաղում բրազիլացի ֆուտբոլիստը գոլային փոխանցում է կատարել գերմանացի կիսապաշտպան Յուլիան Դրաքսլերին։ Առաջին գոլը խփել էր սենեգալցի կիսապաշտպան Իդրիսա Գուեյեն։

Կիլիան Մբապեի պայմանագիրը ՊՍԺ-ի հետ կավարտվի հաջորդ ամռանը։ Նա մտադիր չէ մնալ փարիզյան ակումբում։ 22-ամյա ֆուտբոլիստի ծառայություններով հետաքրքրված են Մադրիդի «Ռեալն» ու անգլիական «Մանչեսթեր Սիթին»։



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։