Դանիել Ալվեսը ժամանակավորապես դադարեցրել է կարիերան (ֆոտո)

20:22   25 սեպտեմբերի, 2021

Պատմության ամենատիտղոսակիր ֆուտբոլիստ Դանիել Ալվեսը ժամանակավորապես դադարեցրել է կարիերան: 38-ամյա բրազիլացի պաշտպանը հայտարարել է, որ 2021 թվականին չի միանա որևէ ակումբի:

«Պետք է ընդունել բարդ որոշումներ, սակայն, ինչպես միշտ, իմ կյանքում ոչինչ հեշտ չի լինում: Սա պարզապես ևս մեկ որոշում է: Բոլորին շնորհակալ եմ հետաքրքրության համար, սակայն ցանկանում եմ, որ այս թեման փակվի»,- Instagramում գրել է Ալվեսը:

Հիշեցնենք, որ 2019 թվականից Ալվեսը հանդես էր գալիս բրազիլական «Սան Պաուլուում», որի հետ պայմանագիրը խզել էր սեպտեմբերի 16-ին: Կարիերայի ընթացքում լեգենդար պաշտպանը հանդես է եկել նաև բրազիլական «Բայայում», իսպանական «Սևիլիայում» ու «Բարսելոնայում», Թուրինի «Յուվենտուսում» ու ֆրանսիական ՊՍԺ-ում: Բրազիլացին պատմության ամենատիտղոսակիր ֆուտբոլիստ և նվաճել է 46 տիտղոս:

View this post on Instagram

A post shared by Dani Alves (@danialves)



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։