«Արսենալ» - «Տոտենհեմ», «Լացիո» - «Ռոմա». Բուքմեյքերների կանխատեսումը

11:14   26 սեպտեմբերի, 2021

Ֆուտբոլի Անգլիայի առաջնության 6-րդ տուրում սեպտեմբերի 26-ին տեղի կունենա լոնդոնյան դերբին «Արսենալի» եւ «Տոտենհեմի» մասնակցությամբ։

Բուքմեյքերները կանխատեսում են դաշտի տերերի հաղթանակը։ «Արսենալի» հաջողությունը գնահատվում է 2.20 գործակցով։ «Տոտենհեմի» հաղթանակի գործակիցը 3.30 է, ոչ ոքին ստացել է 3.25 գործակիցը։

Պրեմիեր լիգայի անցած առաջնության առաջին շրջանում «Տոտենհեմը» տանը հաղթել էր 2։0 հաշվով, երկրորդ շրջանում «Արսենալը» սեփական խաղադաշտում մրցակցին պարտության էր մատնել 2։1 հաշվով։

Իտալիայի առաջնությունում ուշադրության կենտրոնում կլինի  «Լացիո» - «Ռոմա» հանդիպումը։ Թիմերի հնարավորությունները գնահատվում են գրեթե հավասար։ Բուքմեյքերները չնչին առավելություն են տալիս ընդունող կողմին։ «Լացիոյի» հաղթանակի գործակիցը 2.50 է, «Ռոմայինը»՝ 2.70։ Ոչ ոքի արդյունքի հավանականությունը գնահատվում է 3.50 գործակցով։

Իտալիայի անցած առաջնության առաջին շրջանում 3։0 հաշվով հաղթել էր «Լացիոն», երկրորդ շրջանում 2։0 հաշվով առավելության էր հասել «Ռոման», գոլերից մեկը խփել էր Հայաստանի հավաքականի կիսապաշտպան Հենրիխ Մխիթարյանը։

Անգլիայի առաջնություն, 6-րդ տուր

«Արսենալ» - «Տոտենհեմ»՝ 19։30 (Երեւանի ժամանակ)

Իտալիայի առաջնություն, 6-րդ տուր

«Լացիո» - «Ռոմա»՝ 20։00



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։